Hymn of the Municipality of Oton

Oton, Matahum Kung Puluy-an

Oton, matahum kung puluy-an,
Sang Iloy na putli nahamut-an.
Sa kabugnaw sang dagat kag sang imo tiilan,
Ang kasingkal sang adlaw naga hagan-hagan.

Oton, matahum kung puluy-an,
Ang pamatasan labaw sa bulawan.
Kung paghimakas pagtuo na updan,
Ang kabudlay naga hagan-hagan.

Tipigan namon nga ulihing tubo,
Ang panubli-on nga manog-pamuno.
Sa maragtas sang amon kasaysayan,
Ang Ogtonganon ginasaligan.

Bukas kag makugi kag mapisan,
Ang sari-sari nga mga panga-buhian.
Kaalam, kalantip, gapatin-ad
Kag pangaman sa buwas damlag

Oton, matahum kung puluy-an,
Ang pamatasan labaw sa bulawan.
Kung paghimakas pagtuo na updan,
Ang kabudlay naga hagan-hagan.

Sa bulig sang iloy sa kalangitan,
Ang kabudlay naga hagan-hagan.