Hymn of the Municipality of San Miguel, Iloilo

San Miguel, Banwa Ko
By: Lorejhon Keneth C. Samelo

San Miguel, pinasahi nga banwa
Paraiso nga napasad sa gugma.
Puluy-an sang mga baganihan,
Kag dungganon nga mga kaliwatan.

Banwa nga matututom sa pagtuon,
Sa pagpangaman sa palaabuton.
Banwa nga matinuuhon sa Diyos,
Gugma sa pamilya ang nagawagkos.

San Miguel, banwa ko, bansagon ang imo ngalan
Karon, tubtob sa katubtuban:
Banwa sang maalwan, matahom, mapisan kag maalam,
Dungganon kag baganihan.

Banwa nga ginbugayan sang uma,
Katilingban nga malapit sa suba.
Ginatigay sang mga pagtilaw,
Pagpanikasog naga pangibabaw.

Gikan sa dako nga paghimakas,
Ang mga bugay dili na maghubas.
Manggad sang mayad nga pamatasan,
Ipanubli sa mga kabataan.

San Miguel, banwa ko, bansagon ang imo ngalan
Karon, tubtob sa katubtuban:
Banwa sang maalwan, matahom, mapisan kag maalam,
Dungganon kag baganihan.

Oh, San Miguel, banwa ko, bansagon ang imo ngalan
Karon, tubtob sa katubtuban:
Banwa sang maalwan, matahom, mapisan kag maalam,
Dungganon kag baganihan.

San Miguel!